Қазақстанда әйгілі ирандық ақын және мистик Хафиз Ширазиді еске алу рәсімі өтті
ParsToday - Иранның ұлы ақыны әрі мистикі Қожа Шамсуддин Мұхаммад Хафиз Ширазиді (1325-1390 жж.) еске алу мерейтойына орай Қазақстанда парсы тілі және ирантану факультетінің студенттерінің қатысуымен салтанатты шара өтті.
Қазан айының 20-шы күні Иран күнтізбесінде белгілі ирандық ақын Қожа Шамсуддин Мұхаммад Хафиз Ширазидің атымен тіркеліп, жыл сайын бұл күні түрлі бағдарламалар өткізіледі. Хафиз достарының Қазақстандағы кездесуі Иран Ислам Республикасының мәдени кеңес беру орнында және Қазақстанның Астана қаласындағы Саади қорының өкілдігінде өтті.
ParsТoday агенттігінің хабарлауынша, бұл шарада Иранның Саади қорының Қазақстандағы мәдени кеңесшісі және өкілі Әли Акбар Талеби Матин Хафиздің өмірбаянына тоқталып, оның еңбегін түсіндірді және оны парсы тілді ирандық ақындардың ең танымал және ең ұлыларының бірі деп санады.
Ол Хафиз шығармаларын айта отырып, оны Иранның ең танымал ақындарының бірі деп атап: «Оның шығармалары тек Иранда ғана емес, бүкіл әлемде танымал болды»,- деді.
Талеби Матин былай деді: «Хафиздің өлеңдерінің тақырыбы өте алуан түрлі және оның өлеңдері дәстүрлі ирандық музыка, бейнелеу өнері және каллиграфияда қолданылады».
Иранның Қазақстандағы мәдениет жөніндегі кеңесшісі: «Хафиздің диуанында 500 сонет, 42 төрттік және бірнеше ода бар және Хафиз өзінің диуанасын 50 жыл бойы жазған», -деді. Содан соң Талеби Матин жиналған қауымға Хафиздің өлеңдерінен бір үзінді оқып берді.
