Күн батареяларын оңтайландырудан Иранның 36000 шақырымдық орбитаға жету мақсатына дейін
ParsToday - Ирандық зерттеуші екі өлшемді перовскит материалдарын пайдалана отырып, үш өлшемді перовскит нанокеуекті күн батареяларын өндіру және оңтайландыру жоспарын жүзеге асырды.
Соңғы жылдардағы энергетикалық дағдарыс дүние жүзіндегі елдерді энергетикаға қатысты мәселелерге басқаша қарауға итермеледі, соның ішінде энергия тұтынуды азайту және үнемдеу, энергияның жеткізілімі мен сұранысын бақылау және ластаушы газдар шығарындыларын азайту үшін қазба отындарын жаңартылатын энергия көздеріне, соның ішінде күн энергиясына ауыстыру кеңінен қолдау тапты. ParsToday ақпарат агенттігінің хабарлауынша, осы тұрғыда 2D перовскит материалдары арқылы 3D перовскит нанокеуекті күн батареяларын жасау және оңтайландыру – Махназ Мұзаффаридің Аббас Бехжаттың жетекшілігімен және Иранның Ұлттық ғылым қорының қолдауымен аяқтаған докторлық диссертациясының тақырыбы.
Ислам Ынтымақтастығы Ұйымы: Иран жергілікті халықтың біліміне сүйене отырып, жасанды интеллектте маңызды рөл атқарады
Ислам Ынтымақтастығы Ұйымы (ИЫҰ) Ғылыми және технологиялық ынтымақтастық министрлерінің комитетінің үйлестірушісі Иранның жасанды интеллект саласындағы ИЫҰ мүшесі ретіндегі маңызды әрі шешуші рөліне тоқталып: «Иран Ислам Республикасы барлық салаларда ерекше және жақсы технологиялық жетістіктерді көрсетті»,- деді. Пәкістанның органикалық химия саласының ғалымы және Ислам Ынтымақтастық Ұйымына қарасты төрт комитеттің бірі COMSTEC-тің үйлестірушісі Мохаммад Икбал Чаудри: «Иран ерекше ел және Ислам Ынтымақтастық Ұйымының белсенді мүшесі. Жергілікті білімге сүйене отырып, барлық салаларда өзін-өзі қамтамасыз ете алған және санкцияларға қарамастан өсіп, дамып келе жатқан ел және Иран жасанды интеллект саласында негізгі және маңызды рөл атқарады»,-деп қосты.
АҚШ Ұлттық ғылым академиясының ең беделді журналында Шариф университетінің профессорының мақаласының жариялануы
Шариф технология университетінің физика факультетінің оқытушысы доктор Али Эсфандияр мен оның зерттеу тобының мақаласы Америка Құрама Штаттарының Ұлттық ғылым академиясының (PNAS) ең беделді журналында жарияланған. Шариф технология университетінің физика факультетінің оқытушысы және осы саладағы жетекші халықаралық зерттеушілер беделді журналда (PNAS) жарияланған бұл зерттеуде қатты-сұйықтық интерфейсіндегі аралас иондық-электрондық тасымалдау зерттелді.
Иранның мақсаты 36000 шақырымдық орбитаға жету
Сейед Стар Хашеми, Иранның Байланыс және ақпарат технологиясы министрі: «Иран спутниктері қазір жердің 500 шақырымдық қабатында және 36 мың шақырымдық орбитаға жету мақсаты жүзеге асырылуда»,- деді.
