Иран президенті: Иранның ядролық өнеркәсібі қару өндіруге емес, халықтың әл-ауқатына қызмет етеді
ParsToday – Иранның ядролық қызметінің бейбітшілікке бағытталғанын атап өткен Иран президенті: «Ядролық саланың тек аз ғана бөлігі қару өндіруге әкелуі мүмкін, бірақ бұл саланың барлық мүмкіндіктері елдің денсаулығына, әл-ауқатына және дамуына қызмет етеді», - деді.
Жексенбі күні Иран президенті Масуд Пезешкиан Атом қуаты ұйымына және ирандық ядролық ғалымдардың соңғы жетістіктеріне барып, бұл саланың бейбіт және халықтық сипатын атап өтті.
Адамдардың денсаулығы мен әл-ауқаты үшін технологияны кеңейту
Иран президенті Масуд Пезешкиан ядролық өнеркәсіб ғалымдарының күш-жігерін «ғылыми жиһад» деп атап, былай деді: «Радиофармацевтикалық препараттар мен терапиялық технологияларды өндіру саласындағы іс-шаралар халықтың маңызды қажеттілігі болып табылады және оны тезірек жүзеге асыру қажет». Иранның радиофармацевтикалық препараттарды өндірудегі рөліне және оның әлемдік нарықтағы қатысуына тоқтала отырып, Пезешкиан: «Үстемшіл державалар тәуелсіз елдерді озық технологияларға қол жеткізуден айырғысы, сөйтіп, оларды тәуелді түрда ұстағысы келеді», - деп юаса айтты. Иран президенті сонымен қатар Батыстың Иранның ядролық саласындағы әскери мақсаттары туралы мәлімдемелерін жоққа шығарып, былай деді: «Ядролық қару жасау Иранның күн тәртібінде жоқ және жаулар мұны біледі».
Иран мен Индонезия экономикалық ынтымақтастықты дамыту үшін жаңа қадам жасады
Иранның байланыс және ақпараттық технологиялар министрі Сейед Саттар Хашеми Индонезияның Теһрандағы елшісі Рулианшах Сумиратпен кездесуінде екі елдің Бірлескен экономикалық комиссиясының қызметін қайта жандандыруды атап өтті. Иран мен Индонезияның цифрлық экономика саласындағы ортақ мүмкіндіктеріне тоқтала отырып, Хашеми: «Екі елдің даму жоспарлары өте ұқсас және киберқауіпсіздік, жасанды интеллект, ауылдық байланысты дамыту және бесінші буын интернеті сияқты салаларда тиімді ынтымақтастық болуы мүмкін», - деді. Иранның байланыс және ақпараттық технологиялар министрі сондай-ақ экономикалық алмасуларды кеңейтуге жол ашу үшін Иран мен Индонезия арасындағы «артықшылықты тарифтік құжаттың» аяқталуын атап өтті.
Малайзиядағы ирандық ғалымдардың арасындағы жақындау жасанды интеллектке бағытталған
Иранның Малайзиядағы мәдени кеңесшісі ирандық профессорлар мен жасанды интеллект мамандарының тобын қабылдады. Иранның мәдени кеңесшісі Хабибреза Арзани кездесудің мақсаты «Иранның шынайы бейнесін ұсыну және заманауи технологияларды пайдалану арқылы мәдени және көркем экспортты дамыту» екенін мәлімдеді. Бұл кездесуде виртуалды мұражайларды жобалау, жасанды интеллект кинофестивалін өткізу, Иранды таныстыру үшін виртуалды шындықты пайдалану және Иран туралы сұрақтарға жауап беретін ақылды чатботтар құру сияқты ұсыныстар айтылды.
