Адмирал Сайяри: Ешқандай қауіп Иранның қауіпсіздігіне нұқсан келтіре алмайды
ParsToday - ИИР армиясы Бас штабының қолбасшысы және үйлестірушісінің орынбасары: «Ешбір қоқан-лоққы исламдық Иранның қауіпсіздігі мен тәуелсіздігіне нұқсан келтіретін күшке ие емес», -деді.
ParsToday хабарлауынша, жұма күні ИИР армиясының Бас штабының басшысы және үйлестірушісінің орынбасары контр-адмирал Хабиболла Сайяри имам Әли (ғ.с.) атындағы Офицерлер университетінің түлектері алдында сөз сөйледі. Мүминдердің әмірі Әли (ғ.с.)-ның «Егер бейбітшілікті қаласаң, соғысқа дайындал» деген бұйрығына тоқталып: «Бұл дана сөз берік бейбітшілік пен қауіпсіздікке күш, дайындық және тежеу арқылы ғана қол жеткізуге болатынын көрсетеді»,- деді.
Иран армиясының Бас штабының қолбасшысы шәһидтердің жоғары мәртебесін құрметтеп, олардың қасиетті қорғаныстағы ерліктерін еске ала отырып, былай деп қосты: «Армияның қадірлі шәһидтері өз жандарын құрбан ету арқылы исламдық Иранның аумақтық тұтастығы, тәуелсіздігі мен абыройын қорғап, бүгінгі күннің қиыршық жерінің қолына түсуіне жол бермеді. Әскери күштер сол шәһидтердің даңқты жолын жалғастырушылар және біз олардың жолында қадам басып, Ислам революциясының биік мұраттарын сеніммен, батылдықпен және шынайылықпен қорғауға дайын болуымыз керек» деді.
Адмирал Сайяри Ислам жауынгерлерінің құрбандық және отансүйгіштік рухына тоқталып: «Иран Әскери-әуе күштерінің мақтан тұтатын ұшқышы, шәһид генерал-майор Мұхаммед Халатбаридің: «Отанымның топырағы дұшпан сарбазының етігіне жабысып қалса, мен оны қаныммен жуамын» деген тұрақты сөздері Исламдық Иран жауынгерлерінің Отаны мен революциясының мұратына деген махаббаты мен құлшынысының шыңын білдіреді»,- деп айтты.
Иран армиясы үйлестірушісінің орынбасары сөзінің басқа бір бөлігінде Ислам республикасы армиясының негізгі миссиясына тоқталып: «Армияның миссиясын үш негізгі кілт сөзбен қорытындылауға болады: аумақтық тұтастықты сақтау, тәуелсіздікті қорғау және Иран Ислам Республикасының қасиетті жүйесін қорғау. Бұл үш негізгі қағида барлық деңгейлердегі әскери іс-шараларды, дайындықтарды және бағдарламаларды анықтайды»,- деді.
Сөз соңында адмирал Сайяри өз-өзіне сенімділік пен ұлттық билік жолының жалғасуына тоқталып: «ИИР армиясының бүгінгі беделі иман, көрегендік, тәртіп пен Революция жетекшісінің бұйрықтарына мойынсұну арқылы жүзеге асады. Күмәнсіз, бұл қағидаттар қарулы күштер арасында институттандырылғанша, ешбір қауіп-қатер Исламдық Иранның қауіпсіздігі мен тәуелсіздігіне нұқсан келтіре алмайды» деді.
