Арақчи: Ормуз бұғазындағы қиындықтар Иранға қарсы соғыстың салдары
ParsToday- Иран Сыртқы істер министрі Ормуз бұғазындағы қиындықтарды Иранға қарсы соғыстың салдары деп атады.
ParsToday-дің «Таснимге» сілтеме жасап берген хабарлауынша, ИИР Сыртқы істер министрі Сейед Аббас Арақчи сейсенбі кеші БҰҰ Бас хатшысы Антониу Гутеррешпен телефон арқылы сөйлесіп, аймақтағы соңғы оқиғалар мен АҚШ пен сионистік режимнің Иранға қарсы әскери агрессиясын жалғастыруы, сондай-ақ Ливандағы жағдай туралы пікір алмасты.
Иран Сыртқы істер министрі АҚШ пен сионистік режимнің Иранға қарсы әскери агрессиясының БҰҰ Жарғысының негізгі қағидалары мен ережелерін, сондай-ақ халықаралық құқықтың айқын бұзылуы екеніне сілтеме жасап, БҰҰ ұйымы мен Бас хатшының осы агрессияны айқын және қатаң айыптау және Жарғының жетінші тарауына сәйкес агрессорларды жауапқа тарту жауапкершілігін еске салды.
Арақчи халықаралық қауымдастықтың аймаққа және Ормуз бұғазына таңылған қауіптің негізгі көзіне – АҚШ пен сионистік режимнің әскери агрессиясына назар аударуын талап етіп, былай деді: «Ормуз бұғазының жағдайын аймақтың жалпы жағдайын ескермей қарастыру мүмкін емес, себебі Ормуз бұғазындағы кеме қатынасында туған қиындықтар АҚШ пен сионистік режимнің таңыған соғысының салдары болып табылады. Бейбітшілік пен қауіпсіздік туралы алаңдайтын кез келген мемлекет немесе халықаралық ұйым жауапкершіліпен және келісімшартсыз осы екі режимнің қылмыстарын айыптап, олардың Иран халқына қарсы әскери агрессиясын тоқтатуды талап етуі керек».
Сондай-ақ, ол сионистік режимнің Ливанға қарсы жабайы агрессиясын және осы елдің жүздеген тұрғындарын қырғынға ұшыратуын айыптап, былай деп мәлімдеді: «Израилдің Палестинаның басып алынған және аймақтағы елдерге қарсы қылмыстық заң бұзушылықтарына қатысты немқұрайлылық пен жалқаулықты жалғастыру тек осы режимнің агрессиясын кеңейтіп, аймақ пен әлемнің қауіпсіздігін жоғалтуына әкеледі».
Осы телефон сұхбатында БҰҰ Бас хатшысы Парсы шығанағы аймағы, Батыс Азия аймағы және теңіз қатынасы қауіпсіздігі туралы өз көзқарастарын білдірді.
