Иран Президенті қасиетті рамазан айының келуімен құттықтады
ИИР Президенті қасиетті рамазан айының келуімен исламдық елдердің басшыларын құттықтады.
ИИР Президенті Хасан Рухани дүйсенбі күні исламдық елдердің басшыларын қасиетті рамазан айының келуімен жеке жолдау жіберіп құттықтап, олардан ортақ іс-қимыл, тілеулестік және тілектестік арқылы рақымды Ислам дінінің шынайы жүзін көрсетіп, қатыгездік пен экстремизмнен ада әлем құруға қадам басуға шақырды.
Рухани исламдық елдердің басшыларына: «Шынайы Исламның жүзін қатыгез көрсетіп, исламдық өркениет пен хикметтің тарихи мұрасы мен біздің басқа елдердің жақтастарымен бейбіт өмір сүруімізді қатерге тіреп отырған мұсылмандар тарихының бұл кезеңінде ортақ іс-қимыл, тілеулестік және тілектестік арқылы әлемдіктерге рақым, бейбітшілік пен достық және бауырластық негіздеріне сүйенетін Ислам дінінің шынайы жүзін көрсетейік.
Берекеге толы бұл айда Алламен сырласу, уаһи кітабы мен Исламның ұлық пайғамбарының сүннетінен сабақ алып, бірлік пен бауырластық қарым-қатынастарымызды нығайтып, исламдық үмбет арасында тыныштық пен қауіпсіздікті тарату саласында қадам басамыз»,- деген үміт білдірді.
