Қазақстан Сирия мен Ирактан қайтарылған балалардан ДНҚ анализін алып жатыр
Қазақстанның Ақпарат және әлеуметтік даму министрлігінің экстремизмге тосқауыл қою бөлімінің бастығы Сирия мен Ирактың соғыс аймақтарынан қайтарылған балалардан ДНҚ анализі алынып жатқанын хабарлады.
Al Alam арнасының мәліметі бойынша, Қазақстанның Ақпарат және әлеуметтік даму министрлігінің экстремизмге тосқауыл қою бөлімінің бастығы анализдің балаларды Қазақстандағы туыстарына тапсыру үшін алынатынын айтып: «Бұл балалардың көбінің ата-аналары қарулы қақтығыстарда көз жұмған. Сондықтан олар балалар үйлеріне орналастырылды. ДНҚ анализі арқылы біз олардың елдегі туыстарын табуға талпыныс жасап жатырмыз»,- деді.
Жалпы алғанда Сирия мен Ирактың қақтығыс аймақтарында 500-ден астам қазақ бала бар. Олардың көбі сол жерлерде дүниеге келген. Туу туралы құжаттарын лаңкестер жойып жіберген.
