Қазақстан Түркиядағы өртті сөндіруге көмек жібереді
Там 09, 2021 16:55 Asia/Almaty
Қазақстанның Төтенше жағдайлар министрлігі Түркия ормандарындағы өртті сөндіру үшін Ми-8 типті 2 тікұшақ пен өрт сөндірушілер командасын осы елге жіберді.
Anadolu ақпарат агентігінің хабарлауынша, ведомство таратқан мәлімдемеге сәйкес Қазақстан президенті Қасым-Жомарт Тоқаев жеке өзі осы команда мен тікұшақтарды Түркияға жіберуге бұйрық берді.
Сондай-ақ Қазақстан Түркияға зиян көрген аудандарды бұрынғы қалпына келтіруге көмектесуге дайын.
Түркияның оңтүстік аудандарын жайлаған өрт осы елдің жүздеген гектар орманын күлге айналдырды. Өрт салдарынан осы күнге дейін 8 адамның қаза тапқаны расталды.
Аймақ елдері, соның ішінде ИИР, Ресей мен Украина өрт сөндірушілер, ұшақтар мен тікұшақтар жіберу арқылы Түркияға өрт сөндіруге көмектесті.
