Ұлттық мүддені қорғау үшін Қазақстанда жанармай бағасы  көтеріледі

Қазақстан үкіметі ішкі мүддені қорғау және көршілес елдерге жанармай контрабандасына жол бермеу үшін 12 сәуірден бастап бензин бағасы 11 пайызға, дизель отыны 20 пайызға өсетінін хабарлады.

Tasnim ақпарат агенттігінің мұнай бағасына сілтеме жасап хабарлауынша, Қазақстан үкіметі жақын арада жанармай бағасын өсіретінін мәлімдеді. Бұл шешім үкіметтің ішкі тұтынушылар үшін бағаны төмен деңгейде ұстай алмағанын білдіреді.

Қазақстан үкіметі 12 сәуірден бері бензин бағасының индексі 11 пайызға өсіп, литріне 46 центке тең 205 теңгеге жеткенін хабарлады. Дизель отыны 20 пайызға өсіп, 295 теңгеге жетті. Әлихан Смаилов, ҚР Премьер-Министрі: «Бұл шешімді қабылдау оңай болған жоқ, бірақ мұны істеуге тура келді. Жанар-жағармай бағасын өсірмесек, жақын арада тапшылыққа тап боламыз»,- деді. Смаилов өз сөзінде Азияның ешбір елінде дизель отынын тұтыну Қазақстаннан жоғары емес екеніне назар аудартып: «Жан басына шаққанда жылына 370 литр дизель отынын   тұтынуы жанармай тапшылығының басты себебі болып табылады. Тіпті ең үлкен энергетикалық ресурстарға ие Ресейдегі отын тұтынушылары да жылына 225 литр отын тұтынады»,- деп айтты.