Ақп 27, 2024 21:50 Asia/Almaty
  • Сионистік режим  Газа секторының әртүрлі аймақтарын бомбалады

Сионистік режим армиясы бүгін сейсенбі күні таңертең Газа секторына шабуылдарын жалғастырып, аймақтың тұрғын аудандарын бомбалады.

 

ИРНА-ның палестиналық «Сама» ақпарат агенттігіне сілтеме жасап хабарлауынша, сионистік соғыс ұшақтары осы хабарға сүйене отырып, Газа қаласының айналасын, соның ішінде әл-Дардж төңірегін бомбалады. Екінші жағынан, сионистік режимнің артиллериялық бөлімшесі Газа секторының оңтүстігіндегі Орталық провинцияның солтүстік және шығыс аудандары мен Хан Юнистің шығысын нысанаға алды.

Сондай-ақ Газаның батысындағы Тель-эль-Хави ауданының оңтүстігі сионистердің артиллериялық шабуылынан аман қалмады және сонымен бірге сионистік соғыс қайықтары Газаның оңтүстік-батысындағы Шейх-Аджлин жағажайы мен орталықтағы Нусират жағажайларын атқылады. Басқа жағынан, Батыс Газа секторының оңтүстігіндегі Рафах қаласындағы әл-Хашшин аймағы да сионистік режимнің квадрокоптерінің нысанасына айналды. Тағы бір қылмысында сионистер Газа секторының орталығындағы Дейр әл-Балах аймағын нысанаға алды.

Палестина Денсаулық сақтау министрлігі дүйсенбі күні сионистік армияның соңғы 24 сағат ішінде 10 қылмыс жасап, нәтижесінде 90 палестиналық азаматтың шәһид болып, 164-інің жараланғанын хабарлады. Осы шәһидтерді қосқанда сионистік режим армиясының 7 қазанда Газа секторына басқыншылығы басталғаннан бері палестиналық шәһидтер саны 29 782-ге, жараланғандар саны 70 043-ке жетті.

 

Тегтер