Иран мемлекеттердің тәуелсіздігі мен жер тұтастығын қолдауды жалғастырады
Иран Ислам кеңесі мәжілісінің ұлттық қауіпсіздік пен сыртқы саясат комиссиясының төрағасы: "Ислам республикасы мемлекеттердің тәуелсіздігі мен жер тұтастығын құрметтеу негізіндегі өз тұрғыларына табандылық танытады" деп мәлімдеді.
Иран Ислам кеңесі мәжілісінің ұлттық қауіпсіздік және сыртқы саясат комиссиясының төрағасы Алауэддин Бружерди бейсенбі күні ИИР армиясының қолбасшылары мен штаб басшылары алдында сөз сөйлеп: «АҚШ Ауғанстанға шабуыл жасауды ұйғарған кезде елдің әуе кеңістігін пайдалану үшін Ираннан ресми түрде рұқсат сұрады, бірақ Теһранның теріс жауабына тап болды» деді.
Бружерди Иранның қарсыласу өзегін, әсіресе Ливан Хезболласын қолдауына сілтеме жасап: «АҚШ пен оның еуропалық және аймақтық одақтастары сионистік режим мен оның аймақтағы шапқыншылықтарын қолдайды. Қарсы тарапта Иран Хезболла мен Сирия мен Ирактағы қарсыласу өзегін олардың қауіпсіздігі мен тәуелсіздігін сақтау шеңберінде қолдайды» деді.
«Фарс» ақпарат агенттігінің хабарлауынша, Иран Ислам кеңесі мәжілісінің депутаты: «Таяу Шығыс пен Батыс Азияның сезімтал аймағында күш- қуат өзгерген. Кейбіреулер неліктен Иран Сирияны қорғайды дейді. Оның себебі Иранның ұлттық қауіпсіздігін қорғау болып табылады» деді.
