Иранның Әділет министрі: Мина апатын ұмытуға жол бермейміз
Қыр 16, 2016 17:25 Asia/Almaty
Иранның Әділет министрі Мина апатының себебін анықтап, құрбандардың құқықтарын қайтару қажеттігін қуаттады.
Иранның Әділет министрі Мостафа Пурмохаммади бейсенбі күні Гилан обылысында Мина апатына қатысты көптеген түсінбеушіліктерге тоқталып: «Бұл апатты ұмытуға жол бермейміз. Оқиғаны нәтижеге жеткізіп, зардап шегіп, қаза болған адамдардың құқықтары қайтарылғанша зерттейміз»,- деді.
Иранның Әділет министрі Сауд үкіметінің Мина апатын зерттеуге кедергі болып, шындықты зерттейтін топқа өз жұмысын атқаруға рұқсат етпей отырғанын қатаң сынады.
2015-ші жылғы қажылық кезіндегі Мина апатында шамамен 7000 қажы, соның ішінде 464 ирандық қажы саудиялық басшылардың біліксіздігінің салдарынан қаза болды.