Теһран-Кербела жолаушылар поезы іске қосылды

Имам Хосейннің қырқы рәсімі "арбағин" күндері ирандық зияратшылардың Иракқа барып қайтуын жеңілдету мақсатында Теһран- Кербела жолаушылар поезы іске қосылды.

Иран ислам республикасы темір жол компаниясының жолаушы істері бойынша орынбасары Мирхасан Мусави: «Теһран-Кербела поезы сейсенбі күні Теһран темір жол вокзалынан Шәламче шекарасына қарай бет алады. Сейсенбі күндері Теһраннан жолға шығатын осы поездың жолаушылары Шәламче шекарасынан өтіп, Иракқа кіріп, Басрадан Ирак темір жол компаниясының поезымен Кербелаға аттанатын болады» деді.