ДАИШ-тің Талль-Афардағы жетекшілері – Түркия азаматтары

Ирактың Хезболла бригадаларының ақпарат өкілі ДАИШ лаңкестік тобының Талль-Афардың батысындағы жетекшілерінің түркиялық азаматтар екенін мәлімдеді.

«Тасним» ақпарат агенттігінің хабарлауынша, Джафар әл-Хосейни жұма күні al-Mayadeen арнасына берген сұхбатында: "Құрықталған лаңкестер мен олардың ұялы байланыстарын тексеру арқылы қолға түскен мәліметтерге сәйкес, ДАИШ-тің Талль-Афардағы жетекшілерінің барлығының дерлік түркиялық азаматтар екендігі анықталды. Бұл лаңкестер бірнеше ай бұрын Ирактың солтүстігіндегі Нейнава облысының орталығы Мосулге келіп, осы қаланың іші мен сыртында тапсырмалар орындаған. Алайда Мосулды азат ету амалдары басталған кезде бұл қаланың батысына келген" деді.

Әл-Хосейни Абу Ибрахим есімді лаңкестің түркиялық азамат екенін және оның ДАИШ лаңкестік тобының Талль-Афардың батысындағы жетекшісі екенін айтты.