Түркияның қырғи ұшақтары Сирияның бірнеше қалашығына шабуыл жасады
Қар 22, 2016 20:54 Asia/Almaty
Түркияның қырғи ұшақтары Алеппоның солтүстігіндегі Шейх Насер қалашығын бомбалады.
Түркия әуе күшінің қырғи ұшақтары америкалық бір ұшқышсыз ұшақпен бірге Сирияның әл-Баб қаласының солтүстік-шығысындағы Шейх Насер қалашығын бомбалады. Осы шабуылдардан кемінде 7 адам қаза болып, 10 кісі жараланды. Түркия қырғи ұшақтары сондай-ақ Алеппоның солтүстігіндегі қалашықтар мен елді мекендерді бомбалап, 150- ден астам бейбіт адамды өлтірді. Сирия үкіметі сан рет Түркияның шабуылдарын осы елдің ұлттық әкімшілігін бұзу деп атап, оны айыптаған болатын.
