Асад: Алеппоның азат етілуі – лаңкестікке қарсы барлық күрескерлердің жеңісі
Сирия Президенті Алеппоның азат етілуін лаңкестікке қарсы барлық күрескерлердің, әсіресе Иран мен Ресейдің жеңісі деп атады.
IRNA ақпарат агенттігінің хабарлауы бойынша, Сирия Президенті Башар Асад бейсенбі күні Дамаскта Иран Сыртқы істер министрінің Араб және Африка істері жөніндегі орынбасары Хосейн Джабер Ансаримен кездесіп: «Алепподағы жеңіс сонымен қатар Сирия халқының лаңкестікті өздерінің мүдделеріне қол жеткізу үшін пайдаланатын барлық дұшпандарының жеңіліс тапқанын білдіреді»,-деп қуаттады.
Асад Сирияның түкпір-түкпіріндегі лаңкестікпен күресіп, оны басып-жаншуда және соғысты аяқтауға қолайлы жағдай жасауда басты қадам ретіндегі Алеппо жеңісінің маңыздылығын баса айтты.
Иран Сыртқы істер министрінің орынбасары да осы кездесуде: «Иран мен Сирияның байырғы стратегиялық қарым-қатынасы екі ел мен аймақтық елдерді шетелдік жоспарлар мен қастандықтардан сақтандырды»,-деді.
Джабер Ансари Иранның Сириямен байланысын кеңейтуге және осы ел халқының лаңкестікке қарсы табандылығы мен беріктігін арттыруға қажетті мүмкіндіктермен қамтамасыз етуге дайын екенін қуаттады.
