Башар Асад: Сириядағы жеңістерге Иранның қолдауымен қол жеткізілді
Сирия президенті Иран мәжілісінің ұлттық қауіпсіздік және сыртқы саясат комиссиясының төрағасын қабылдауында: «Сириядағы соңғы жеңістер Иранның қолдауымен жүзеге асты» деді.
ИРНА- ның хабарлауынша, Иран ислам кеңесі мәжілісінің ұлттық қауіпсіздік және сыртқы саясат комиссиясының төрағасы Алауэддин Бружерди сәрсенбі күні Сирия президенті Башар Асадпен кездесіп, әңгімелесті.
Алауэддин Бружерди осы кездесуде Сирияның соңғы жеңістерімен, әсіресе Алеппо қаласын азат етумен құттықтап: «Иран (1982 жылы 24 мамырда) Хоррамшаһрды азат ету кезінде осы жағдайды бастан өткерген» деді.
Иран мен Ресей үздіксіз кеңесулерімен Сирияның майдандық өзгерістері мен осы елдің дағдарысын шешу үшін саяси айдында маңызды рөл атқарды.
Иран мен Ресейдің үздіксіз кеңесулерінің нәтижесінде Сирия жаңа бағытқа түсті. ДАИШ және "Фатх әш- Шам" лаңкестік тобынан басқа Сирия армиясы мен сириялық қарулы қарсыластар арасында ымыра орнатылды.
