Абубакр әл-Бағдади Нейнаваның батысында жараланды
Ирактың ақпарат көздері жексенбі күні кешке ДАИШ лаңкестік тобының басшысы Абубакр әл-Бағдадидың осы елдің солтүстігіндегі Нейнава облысының батысында жараланғанын хабарлады.
IRNA ақпарат агенттігінің хабарлауы бойынша, Абубакр әл-Бағдади мен ДАИШ-тың бірнеше қолбасшысы бірнеше көлікпен Сириядан Ираққа келген кезде әуе шабуылына ұшыраған.
Сонымен қатар, Ирактың әл-Анбар облысындағы «Хашд аш-Шааби» халықтық күштерінің қолбасшысы Халаф әл-Жалибауи ДАИШ лаңкестік тобының бірқатар мүшесінің осы облысқа қайтып келгенін хабарлап: «Әл-Анбар Бағдадтан 110 шақырым жердегі осы облыстың орталығы әр-Рамади қаласында ДАИШ тобының жаңа қонысының пайда болу қатеріне ұшырап отыр»,-деді.
Әл-Анбар облысының қалалары, соның ішінде әр-Рамади, Фалуджа, Америя мен Халедия соңғы күндері лаңкестік шабуылдардың үдеуінің куәсі болды. Соның салдарынан ондаған қарапайым азамат қаза болып, жараланды.
ДАИШ лаңкестері Ирактың күштерінен әсіресе Нейнава облысында үсті-үстіне жеңілгеннен кейін осы елдің әртүрлі қалаларындағы қарапайым адамдарды өлтіруге кірісті.
