Ирандық зияратшылар үшін әл-Харам мешітіне жол ашылды
Иранның Қажылық және зиярат ісі жөніндегі ұйымы ирандықтардығ 2017 жылы қажылыққа баруы үшін жағдайдың әзірленгенін хабарлады.
Иранның Қажылық және зиярат ісі жөніндегі ұйымы жұма күні кешке: "Назарға алған жағдайлардың қамтамасыз етілгеніне көз жетіп, Ислам революциясы жетекшісінің баса айтқан мәселелері ескерілген соң, сондай-ақ консулдық, медициналық және тағы да басқа салалардағы қажетті қызметтердің көрсетілуі үшін тиісті жағдайлардың әзірленуімен биыл ирандықтардың қауіпсіздік пен қадір-қасиетінің сақталуына негізделген қажылық сапары іске асатын болды. Сонымен алдағы қажылық сапарына 850 000 ирандық аттанады",- деп мәлімдеді.
Осы хабарға сәйкес, Мина апаты мен әл-Харам мешіті шәһидтеріне қатысты түрлі тақырыптар негізіндегі келіссөздердің егжей-тегжейі мен соған байланысты қорытынды нәтижелер жақын арада хабарланады.
Сауд Арабиясы 2016 жылы жалған дәлелдермен кейбір мұсылман елдерінің, соның ішінде Иран мен Сирияның азаматтарының қажылыққа баруына тосқауыл жасаған болатын.
