Ливанның шекаралас аймақтарындағы лаңкестермен күрес жалғасуда
Ливан Хезболласының бас хатшысы Ливан мен Сирия арасындағы шекаралық жоталардағы соғыстың соңғы өзгерістері туралы: "Бұл аймақтағы соғыс лаңкестік топтардың көзін толығымен жойғанға дейін жалғасады",- деп мәлімдеді.
Сейіт Хасан Насролла Сирия мен Ливан әскери күштерінің ортақ әскери амалдары мен екі ел арасындағы шекаралық жоталардағы ливандық Хезболланың лаңкестермен қарсыласуына тоқталып: "Ливан әскерінің үйлесімдік жұмыстарының арқасында жүзеге асқан бұл әскери амалдарда Сирия мен Ливан шекарасындағы ДАИШ басып алған жерлердің басым бөлігі азат етілді",- деп мәлімдеді.
Хезболланың бас хатшысы ДАИШ содырларын екі мемлекеттің шекаралық аймақтарынан шығару мақсатында Сирия әскерімен бірлескен әскери амалдардың өткен аптада басталғанын айтып: "ДАИШ-тың адами қалқан ретінде әскери емес адамдарды пайдаланудағы қулығына қарамастан, әскери амалдар айтарлықтай нәтижелерге қол жеткізіп, Ливан жерлерінің басым бөлігі ДАИШ басқыншылығынан азат етілді",- деді.
Сейіт Хасан Насралла ливандықтарға: "Сендер өте үлкен жеңіске қарай қадам басып келесіңдер. Сол үшін бұл жеңісті мақтан тұтыңдар. Жақын болашақта лаңкестерден тазартылған Ливанның шекараларында қауіпсіздіктің орнағанына куә боламыз",- деп баса айтты.
