Ердоған Күрдістан аймағына ескерту жасады

Түркия Президенті: «Ирактың Күрдістан аймағының басшылары осы аймақты бөліп алу туралы жуырда өткен референдумның құнын төлейтін болады»,-деп мәлімдеді.

Түркия Президенті Режеп Тайып Ердоған осы елдің шығысындағы Эрзурум қаласында сөйлеген сөзінде Ирактың Күрдістан аймағын бөлу туралы референдум мақсаттарының жеңіліске ұшырайтынын айтып: «Егер күрдтер Ирактың орталық үкіметінен бөлінсе, қиындықтары көбейе түседі. Ирактың Күрдістан аймағының басшылары бұл аймақты бөліп алу туралы шешімдерін қайта қарастыруы тиіс»,-деді.

Ирактың Премьер-министрі Хайдар әл-Абади де Күрдістан аймағын Ирактан бөлу туралы референдумды ел Конституциясы мен халықаралық заңдарға қайшы деп атады.