Харири отставкаға кетуіне қауіпсіздікке төнген қатерлер себеп болды деген уәж айтты
Ливанның премьер-министрі Саад Харири: "Менің қызметімнен кетуіме қауіпсіздікке төнген қатерлер себеп болды",- деп мәлімдеді.
Харири жексенбі күні Ливанның Al-Mustaqbal телеарнасына берген сұхбатында қызметінен кететіні туралы жасаған мәлімдемесінен кейін бір апта үнсіздік танытып, Сауд Арабиясында болу себебіне тоқталып: "Жеке басыма және Ливан үшін төнген қауіп-қатерлерге байланысты қызметімнен кетуге бел будым",- деді.
Ливан премьер-министрі қызметінен кететіні жайлы мәлімдегеннен кейін Сауд Арабиясындағы өзінің үйінде қалғанын айтып: "Менің белгілі бір ақпараттар мен мәліметтерге қол жеткізуім қызметімнен кетіп, Ливанды құтқаруыма себеп болды",- деді.
Харири оның жеке басы мен Ливанға төнген қатерлер жайлы ешқандай түсінік берместен, Ливан Хезболласы аймақта теріс рөлге ие деген уәждерін тағы қайталады.
Lebanon, Al-Manar, Al-Jadeed, NBN, UTV телеарналары Ливан президенті Мишель Аунның Саад Хариридің Сауд Арабиясындағы түсініксіз жағдайына байланысты оның қазіргі ұстанымдарын мағынасыз деп атауына байланысты Хариридің Al-Mustaqbal арнасына берген сұхбатын көрсетуден бас тартатындықтарын жариялады.
