Асад Иранға Сирияда атқарған рөлі үшін алғыс білдірді
Сирия президенті ИИР-дың Сирия халқына көрсеткен қолдауларына алғыс айтып: "Иран мен оның соғыс майдандарындағы одақтастары күштерінің табандылығы Сирия әскері мен халқының жеңіске жетуінде айтарлықтай рөл атқарды",- деді.
Башар Асад жексенбі күні Иранның халықаралық қатынастар жөніндегі стратегиялық кеңесінің басшысы Камал Харразимен Дамаскте кездесуінде Ирак пен аймақта лаңкестерге қарсы шешуші жеңіске жетуге үміт білдіріп: "Солтүстік Сириядағы күрдтер Дамаск үкіметімен келісімге келіп, бұл аймақ АҚШ пен лаңкестердің демеушілерінің ықпалынан шығады. Түркияның Сирияның солтүстігіне әскери басқыншылығы Түркия режимінің Сирия дағдарысы басталғаннан бері ұстанып отырған араласушылығы мен саясатының жалғасы саналады. Бұл саясат лаңкестік пен лаңкестік топтарды қолдауға негізделген",- деді.
ИИР-дың халықаралық қатынастар жөніндегі Стратегиялық кеңестің басшысы да кездесуде сөйлеген сөзінде: "Сириядағы жуырдағы жеңістерге Сирия мен оның одақтастары күштерінің талпынысының арқасында қол жеткіздік. Талпыныстарды Сирия жерін лаңкестердің билігінен толық азат еткенше жалғастыру қажет.
Сирия мен қарсыласу майданының дұшпандары қастандықтардан қол үзбейді. Сондықтан дұшпанның қастандық әрекеттеріне, әсіресе кейбір аймақ елдерінің қастандықтарына қатысты қырағы болған жөн",- деді.
