Аден қаласындағы қақтығыстар барысында 10 адам қаза тауып, 120 адам жараланды
Сауд Арабиясы мен БАӘ-не қарасты әскери күштер арасында Йеменнің оңтүстігіндегі Аден қаласында болған қақтығыстарда көп адам қаза тауып, жараланды.
Reuters ақпарат агенттігінің хабарлауы бойынша, Йеменнің оңтүстігіндегі ауруханалардың ақпарат көздері жексенбі күні Аден қаласының әртүрлі аудандарында Сауд Арабиясына одақтас Йеменнің отставкаға кеткен Президентіне қарасты күштер мен БАӘ-не қарасты күштер арасында болған қақтығыстарда кемінде 10 адамның қаза тауып, 120 адамның жараланғанын айтты.
Куәгерлердің Reuters ақпарат агенттігіне берген ақпараттары бойынша, қарулы адамдар Аден қаласының көптеген аудандарында орналасқан. Қаладан қатты атыстар мен жарылыстардың дыбысы естілді.
Бұл – осы уақытқа дейін орын алған ең қатігез қақтығыстардың бірі. Йеменнің оңтүстігіндегі Революциялық қозғалыс саяси кеңсесі басшысының орынбасары Мадрам Абу Сарадж Аден қаласындағы қауіпсіздік жағдайының ушығуына БАӘ жауапты деп атады.
