Арабстанның Сириядағы лаңкестік топтарға қолдау көрсеткені туралы құжаттар жарияланды
Ұлыбританиялық The Independent газеті жұма күні Сауд Арабиясының Сириядағы лаңкестік топтарды қару-жарақпен қамтамасыз еткенін дәлелдейтін құжаттарды жариялады.
Иран Телерадио бірлестігі ақпарат агенттігінің хабарлауы бойынша, The Independent газеті тарапынан жарияланған жаңа құжаттарға сәйкес, Сауд Арабиясы Босния мен Герцеговина, Сербия, Болгария және АҚШ-тан қару сатып алып, оларды Сириядағы лаңкестік топтарға, соның ішінде ДАИШ тобына ұсынған.
Келісімге сәйкес, қару-жарақ Риядқа сатылып, тек Сауд Арабиясының әскеріне пайдалануға берілуі тиіс болған.
The Independent газетінің тілшісі Роберт Фиск қару-жарақ сатып алу және оларды лаңкестік топқа жіберу туралы құжаттарды Сириядағы лаңкестердің қираған штаб-пәтерлерінен тапқан.
Сириядағы дағдарыс 2011 жылы Сауд Арабиясы, АҚШ пен одақтастарының сионистік режимнің мүддесіне орай аймақтағы теңгерімді өзгерту мақсатында демеушілік жасап жатқан лаңкестік топтардың басқыншылық әрекеттерімен басталды.
