Сирияның Канитара қаласы азат етілді
Шіл 27, 2018 21:33 Asia/Almaty
Сирия армиясы мен қарулы күштері бейсенбі күні Канитара қаласын лаңкестік топтардың қолынан азат етті.
Сирия армиясы, сондай-ақ, осы елдің оңтүстігі мен оңтүстік-батысындағы Дераа және Канитара облыстарындағы 6 қалашық пен ауылды өз бақылауына алды. Сирия армиясы осы елдің туын Сирия мен басып алынған Палестина жері арасындағы шекаралық өткелге тікті.
Канитара – Сирияның ең шағын облыстарының бірі. Алайда Сирияның оңтүстігіндегі бұл облыс Голан жоталарының бір бөлігі болып, басып алынған Палестина жерімен шектесіп жатқандықтан елдің ең маңызды облыстарының бірі саналады.