Иран мен Түркияның Сыртқы істер министрлері сұхбаттасты

Иран мен Түркияның Сыртқы істер министрлері телефон арқылы аймақтық және халықаралық мәселелер жөнінде сұхбаттасты.

Иран Сыртқы істер министрі Мұхаммад Джавад Зариф пен Түркия Сыртқы істер министрі Мевлюд Чавушоғлы сенбі күні телефон арқылы сұхбатта Венесуэлада болған оқиғалар жайлы пікір алмасты.

Иран мен Түркияның Сыртқы істер министрлері екі көршілес елдің сындарлы қарым-қатынасына тоқталып, екіжақты, аймақтық және халықаралық салаларда өзара ынтымақтастықты екі елдің мүддесіне сай одан ары арттырып, аймақтық  және халықаралық тұрақтылық пен қауіпсіздікті сақтап, нығайту қажеттігін қуаттады.