Сейіт Хасан Насролла: Иран – аймақтағы ең ықпалды ел
Ливан Хезболласының бас хатшысы Хасан Насролла сәрсенбі күні кешке Ислам революциясы жеңісінің 40 жылдығына орай Бейрутте "40 көктем" деген атпен өткен рәсімде ИИР-ын аймақтағы ең ықпалды мемлекет әрі өз шешімі мен ұлттық ерік-жігерін білдіруде тәуелсіз әрекет ететін әлемдегі санаулы елдердің бірі деп атады.
IRNA ақпарат агенттігінің хабарлауы бойынша, сейіт Хасан Насролла: "Кейбір халықаралық ұйымдар Иранды соңғы жылдары әлемнің ең ықпалды 13 елінің қатарына қосты. Келесі бір ұйымдар Иранды әлемнің ең ықпалды тоғызыншы елі деп атады",-деді.
Сейіт Хасан Насролла АҚШ пен оның одақтастарының Иранға қарсы жауластығына тоқталып: "Иран тәуелсіз болғандықтан және жапа шеккендерді қолдап, Палестина мәселесін көтеріп отырғаны үшін АҚШ-тың жауластығы мен санкцияларына ұшырап отыр",-деді.
Сейіт Хасан Насролла қарсыласу қозғалысын аймақтағы ең мықты құрылым деп атап, көптен бері АҚШ пен Израильдің Иранмен соғысу мүмкіндігінің жоқ екендігін, егер Иранға қарсы соғыс ашылса, Иранның соғыста жалғыз болмайтынын баса айтты.
