Ердоған Нетаньяхуды бала өлтірді деп айыптады

Түркия Президенті Израильдің Премьер-министрін Палестина жерінде бала өлтірді деп айыптады.

Anadolu ақпарат агенттігінің хабарлауы бойынша, Режеп Тайып Ердоған сәрсенбі күні Анкарада бірнеше жобаның ашылу рәсімінде Беньямин Нетаньяхудың оны «диктатор» деп атағанына білдірген реакциясында: «Нетаньяху – жеті жасар баланы өлтіруден тайынбайтын залым.

Палестина халқының күресі олардың ақтық демдері қалғанша жалғасады»,-деді.

Израильдің Премьер-министрі Беньямин Нетаньяху жуырда Анкара тарапынан оған қарсы айтылған нәсілшіл айыптарға реакция білдіріп, Түркия Президентін «диктатор» деп атаған болатын.