Соңғы 6 айда Газа секторында 54 палестиналық шәһид болды

Палестинаның адам құқығы орталығы сионистік режимнің 2019 жылдың алғашқы жартысында Газа секторында 54 палестиналықты өлтіргенін хабарлады.

Fars ақпарат агенттігінің сейсенбі күні хабарлауынша, Газа секторында орналасқан "Әл-Мизан" адам құқығы орталығы: "2019 жылдың алғашқы жартысында сионистер 3723 палестиналықты жаралады",-деп хабарлады.

Бұл орталық, сондай-ақ, Газада шәһид болғандардың арасында 12 бала мен 4 әйелдің болғанын айтып, осы аралықта 88 палестиналықтың қамауға алынғанын, олардың арасында 22 бала барын мәлімдеді.

"Әл-Мизан" адам құқығы орталығы әлемдік қауымдастықтан сионистік режимге қысым жасап, Газа секторын заңсыз қоршауын тоқтатуды сұрады.