Джебели: Сейіт Хасан Насролла – әлемге үлгі болып отырған қырағы әрі ержүрек жетекші
ИИР Телерадио бірлестігі әлемдік қызмет торабының басшысы сейсенбі күні кешке Теһранда «Қарсыласу дастандары» атты деректі топтаманың тұсаукесер рәсімінде Ливан Хезболласының бас хатшысы сейіт Хасан Насролланың 33 күндік соғыстағы қырағы жетекшілігіне тоқталып: «Сейіт Хасан Насролла – әлемге үлгі болып отырған қырағы әрі ержүрек жетекші», деді.
Иран Телерадио бірлестігі ақпарат агенттігінің хабарлауы бойынша, Пейман Джебели 2006 жылы сионистік режимнің Ливанға шабуыл жасауынан 3 ай бұрын Ливан христиандары мен Хезболла арасында бір коалиция құрылғанын айтып: «Бұл тарихи коалиция 33 күндік соғыста Ливанның жеңуінде айтарлықтай рөл атқарды»,‑деп еске салды.
Джебели Ливан халқы мен қарсыласу күштерінің 33 күндік соғыстағы ерліктеріне тоқталып: «Израиль Ливан жерінің ондаған метр жерін басып алу арманын өзімен бірге көрге әкетеді»,‑деді.
