Велаяти: Палестина халқы – исламдық оянудың ту ұстаушысы
Дүниежүзілік исламдық ояну ассамблеясының бас хатшысы Палестина халқын исламдық оянудың ту ұстаушысы деп атап: "ИИР өткен 40 жыл барысында Палестина қарсыласу қозғалысын қолдауды бір сәтке де тоқтатпады және мұны жалғастыра береді",-деді.
Иран Телерадио бірлестігі ақпарат агенттігінің хабарлауынша, Әли Акбар Велаяти жексенбі күні ХАМАС саяси кеңсесінің басшысы Исмаил Ханиямен телефон арқылы сұхбатында Палестина халқы мен елдегі маңызды әрі ықпалды күш ретіндегі ХАМАС-тың жеңістері және сәттіліктерімен құттықтап, сонымен бірге бірқатар палестиналық, соның ішінде әйелдер мен балалардың қаза тапқанына көңіл айтып: "Палестина халқы жарты ғасырдан аса уақыт бойы сионистік режимнің қылмыстарына табанды қарсылық білдіріп келеді",-деді.
Исмаил Хания ИИР-на Палестина мәселесіне қатысты ұстанымы үшін алғыс айтып: "ИИР – Палестина мен Құдстың армандарын қолдап келе жатқан үздік елдердің бірі",-деді.
