Иран ислам республикасы мен Сирия ғылыми ынтымақтастық жөніндегі жаңа келісімшартқа қол қойды
Сирияның Жоғары білім министрлігінде өткен рәсімде Иран ислам республикасы мен Сирия екі елдің ғылыми ынтымақтастықтар жөніндегі жаңа келісімшартына қол қойды.
Сириядағы Иран елшісі Мұхаммад Реза Шейбани Иранның Ғылым, зерттеу және технология министрінің атынан Сирияның Жоғары білім министрі Амермен бірге осы ынтымақтастық құжатына қол қойды. Сириядағы Иран ислам республикасының елшісі екі елдің министрліктері арасында қол қойылған жаңа құжат бойынша ынтымақтастықтардың ғылыми негіздерде, әсіресе жоғары білім деңгейінде студенттермен алмасу үдерісінің кеңейтілетінін айтты.
Сирияның Жоғары білім министрі де Теһран мен Дамасктің әсіресе ғылыми негіздегі ынтымақтастық бағдарламаларын кеңейтуді қолдап: «Дамаск Иран ислам республикасының жоғары оқу орындарында білім алу үшін студент аттандыру арқылы өзінің ғылыми зерттеулер саласындағы әлеуетін жоғарылатуды көздеп отыр» деді.
Ол Сирия дағдарысы барысында әлем елдерінің көбісінің Сириямен ынтымақтастық жасаудан бас тартып отырғанына сілтеме жасап: «Иран ислам республикасы нағыз дос және бауырлас ел ретінде барлық негіздерде жанымыздан табылады» деді.
