Джиддадағы Aramco мұнай кәсіпорнындағы өрт жалғасуда

Саудиялық БАҚ, соның ішінде Al-Hadath және Al-Arabiya, Aramco нысанындағы жаппай өрттің бейнесін жариялап, нысанға 50-ден астам өрт сөндіруші жөнелтілгенін, бірақ бірінен соң біріне ұласқан жарылыстар мен желдің салдарынан оны ауыздықтай алмағанын хабарлады.

Йемен күштері кеше түнде Сауд Арабиясы коалициясының Йеменге шабуыл жасауының жетінші жылдығында Сауд Арабиясының қақ ортасына, Джиддадағы Aramco және Эр-Риядтағы негізгі инфрақұрылымға қанатты зымырандармен, Рас-Танура зауытында, Рабиг мұнай өңдеу зауытында және мұнай өңдеу зауытын, сондай-ақ  Джизан мен Наджрандағы Aramco қондырғысын бірнеше ұшқышсыз ұшақпен және Джизандағы бірқатар маңызды нысан мен Захран, Абха және Хамис  баллистикалық зымырандармен нысанаға алды.

Йемен қарулы күштерінің өкілі операцияның мақсаты қоршауды бұзу деп жариялады. Йеменнің ақпарат министрі Сауд режиміне Йемендегі қоршау  жойылмағанша, Сауд Арабиясындағы өрттің сөнбейтінін ескертті. Йемендіктердің Сауд Арабиясындағы Aramco зауытына жасаған шабуылынан кейін Brent маркалы мұнай бағасы бір доллар 62 центке өсіп, барреліне 120,65 долларды құрады.