Сионистердің әл-Ақса мешітіне шабуылынан тағы 40 палестиналық жараланды

Израиль күштерінің әл-Ақса мешітінің аулаларына басып кіріп, палестиналықтарға пластик оқпен атуы салдарынан ондаған адам жарақат алды.

Палестинаның «Al-Youm» ақпарат агенттігінің мәліметі бойынша, сионистік режим әскерилері бүгін, жұма күні таңертең әл-Ақса мешітінің әртүрлі аулаларына шабуыл жасады. Бұл жауыз шабуыл   палестиналықтар мен сионистік әскерилер арасындағы қақтығыстарға ұласты.

Палестина Денсаулық сақтау министрлігі сионистік режим әскерилерінің әл-Ақса мешітінде жиналғандарға қарсы пластикалық оқтарды қолданғанын, нәтижесінде 40 палестиналықтың ауыр жарақат алғанын хабарлады.

Кеше ХАМАС исламдық қарсыласу қозғалысы мәлімдемесінде басқыншы сионистік қоныстанушылардың әскерилердің демеушілігімен әл-Ақса мешітіне қайта-қайта шабуыл жасауының ешқашан мешітті бөлу немесе оның исламдық болмысын өзгертуіне  әкелмейтінін баса айтты.