Нетаньяху Рамазан айының аяғына дейін яһудилерге әл-Ақса мешітіне кіруге тыйым салды
Израиль Премьер-министрі: "Сионистік режимнің қауіпсіздік басшыларының кеңесіне сәйкес Рамазан айының аяғына дейін яһудилерге әл-Ақса мешітіне кіруге болмайды",-деп мәлімдеді.
Израиль күштері әл-Ақса мешітінде намазхандарға шабуыл жасағаннан кейін палестиналықтар сионистік режимге қысым жасап, Беньямин Нетаньяхуды әл-Ақса мешітіне қатысты шешімінен кері шегініп, Рамазан айының аяғына дейін яһудилерге мешітке кіруге тыйым салуға мәжбүрледі.
Нетаньяху полиция күштеріне сәрсенбі күннен Рамазан айының аяғына дейін сионистік қалашық тұрғындарын әл-Ақса мешітіне кіргізбеуге бұйрық берді.
Бұған дейін сионистік қалашық тұрғындары Рамазан айының соңғы 10 күнінде әл-Ақса мешітіне басып кіруге құқылы деп жарияланған болатын.
Израильдің Ішкі істер министрі Итамар Бен-Гвир Нетаньяхулың бұл шешіміне реакция білдіріп, оны "айқын қателік" деп атады.
Кейінгі бірнеше күнде Израиль күштері мен сионистік қалашық тұрғындары әл-Ақса мешітіндегі намазхандарға шабуыл жасағаннан кейін тараптар арасында қатты қақтығыс болды. Сол себепті Газа секторы, Ливан мен Сириядан басып алынған жерлерге зымырандық шабуыл жасалды. Израиль де қарымта жауап берді.
