Йемен армиясының бас штабы: Израильдің кемелеріне шабуыл жасаудан тартынбаймыз
Йемен Қарулы күштері бас штабы басшысының орынбасары Йемен армиясының Палестина халқына көмектесуден аянып қалмайтынын айтып: "Израильдің кемелері – Йемен Қарулы күштерінің заңды нысаналары. Йемендіктер шабуыл жасаудан тартынбайды",-деп ескертті.
Генерал-майор Әли әл-Мушаки Al-Masirah арнасына берген сұхбатында: "Дұшпан мен оның артында тұрған адамдарға қарсы әрекет жасау үшін осындай күнді күткен едік. Біз Палестина халқына көмектесуден аянып қалмаймыз",-деді.
Генерал-майор Әли әл-Мушаки: "Басып алынған жерлерде және одан тысқары жерлерде қолымыз жеткен нысаналардың бәріне шабуыл жасаймыз. Йеменнің ұстанымы айқын. Біз Израильдің басқыншылығы тоқтағанға дейін өз әрекетімізді жалғастыра береміз",-деді.
Йемен армиясы осы уақытқа дейін Газа халқын қолдау үшін бірнеше рет Палестинаның оңтүстігіндегі Илат айлағын зымыран және дрондармен атқылап, бір израильдік кемені бақылауға алды.
