20 палестиналық шәһид әл-Ақса ауруханасына тасымалданды
"Әл-Ақса шәһидтері" ауруханасы дүйсенбі күні 20 палестиналықтың мәйіттері осы ауруханаға тасымалданғанын хабарлады.
Al-Jazeera арнасының хабарлауынша, бұл палестиналықтар әл-Мағази лагерін бірнеше мәрте бомбалаудан қаза тапты. Сионистік режим армиясының кеше түннен бастаған шабуылдарында осы сәтке дейін кемінде 33 палестиналық шәһид болды.
Сионистік режимнің армиясы: "7 қазаннан бүгінге дейін Газа секторына жасаған шабуылдарымызда осы сектордың 22 мың жерін бомбалап, оқ жаудырдық",-деп мәлімдеді.
Сионистік режим армиясының айтуынша, 8 күндік атысты тоқтату бітімі аяқталып, сионистік режимнің Газаға шабуылы қайта басталғалы бері 3500 объект нысанаға алынды.
Газаның Денсаулық сақтау министрлігі жексенбі күні өз мәлімдемесінде: "Газада құрбан болғандардың саны 17997 адамға жетіп, 49229 адам жараланды",-деп хабарлады.
