Сириядағы оқиғалар: Ердоғанның Дамаскіні басып алу ниетінен Израиль шенеунігінің ризашылық білдіруіне дейін

ParsToday- Сирия Сыртқы істер министрі Бағдадта Иран Ислам Республикасы және Ирак Сыртқы істер министрлерімен бірлескен баспасөз мәслихатында өз елінің ішкі істеріне шетелдік араласу толығымен әшкереленгенін мәлімдеді.

Иран, Ирак және Сирия Сыртқы істер министрлерінің бірлескен отырысы, Дамасктегі төңкеріс туралы жалған ақпарат, Ердоғанның Дамаскті террористер басып алу тілегі, Сирияда 200 лаңкестің өлтірілуі және Сирия армиясы мен демократиялық күштердің кейбір осьтерде қоныс аудару туралы келісімі – ParsToday ұсынып отырған Сириядағы соңғы оқиғалардың таңдауы.

Арақчи: Ирак, Сирия және Иран үшжақты кездесуінің жолдауы Сирия үкіметі мен халқын қолдау болып табылады

Иран Сыртқы істер министрі Сейед Аббас Арақчи Бағдадта Сирия және Ирак Сыртқы істер министрлерімен бірлескен баспасөз мәслихатында: «Бұл отырыстың жолдауы Сирия үкіметі мен халқына тәкфиршіл лаңкестік топтармен күресте қолдау көрсету болып табылады»,- деді.

Al-Alam ақпарат агенттігінің хабарлауы бойынша, жұма күні кешке Иран Ислам Республикасы, Ирак және Сирия Сыртқы істер министрлері Бағдадтағы үшжақты кездесуінің соңында ортақ мәлімдеме жасап, Сирияның егемендігі мен тәуелсіздігін сақтауды қуаттады.

Сирия Сыртқы істер министрі Басам Саббағ Бағдадта өз елінің ішкі істеріне шетелдіктердің араласуы толығымен әшкереленгенін айтты.

Ердоғанның Дамаскті террористер басып алу тілегі

Tasnim ақпарат агенттігінің хабарлауы бойынша, Түркия президенті Режеп Тайып Ердоған жұма күні Сириядағы оқиғаларға және осы ел мен АҚШ қолдайтын лаңкестік топтардың ілгерілеуіне қатысты: «Нысана Идлиб, Хама, Хомс және әрине, Дамаск. Қарсыластар өз жолын жалғастыруда және біз бұл жолдың ауыр зиянсыз жалғасуын тілейміз»,- деді.

Әл-Джолани: Біздің мақсатымыз Сирия үкіметін құлату

Тахрир аш-Шам тобының жетекшісі америкалық CNN желісімен сұхбатында лаңкестердің Сириядағы соңғы қозғалыстарының мақсаты осы елдің үкіметін құлату деп мәлімдеді.

Сарапшылар CNN телеарнасының Тахрир аш-Шам жетекшісі Әбу Мұхаммад әл-Джоланиге берген сұхбатының мақсатын лаңкестердің имиджін жақсарту екенін айтады.

Лавров: Террористерді қаржыландыру мен қаруландыруды тоқтату керек

Al-Alam ақпарат агенттігінің хабарлауы бойынша, Ресей Сыртқы істер министрі Сергей Лавров бұл елдің алдағы «Астана процесінің» отырысында Иран және Түркиямен Сириядағы лаңкестерді қаржыландыру және қару-жарақ арналарын тоқтатуды талқылауды жоспарлап отырғанын айтты.

Ресей, Иран және Түркия сыртқы істер министрлері бүгін, сенбіде «Астана процесі» аясында Доха саммиті аясында кездеседі.

Лаңкестердің Сирияның оңтүстігінде үлкен ілгерілеушілік туралы мәлімдемесі

Лаңкестер жұма күні түнде Сирияның оңтүстігінде үлкен аумақтарда ілгерілегенін мәлімдеді.

Mehr ақпарат агенттігінің хабарлауынша, Сириядағы қарулы лаңкестік топтар жұма күні түнде Сирия армиясының элементтерімен қақтығыстардан кейін Дараа маңындағы (Сирияның оңтүстігіндегі) «Тал әл-Хара» стратегиялық аймағын бақылауға алғанын мәлімдеді. Сондай-ақ әл-Сувейда қаласындағы кейбір ішкі топтар әл-Қария ауылында кейбір әскери аймақтар мен танктің бақылауға алынғанын хабарлады.

Сонымен бірге Сирияның оңтүстігіндегі әл-Сувейда қаласындағы лаңкестермен байланысы бар жергілікті элементтер олардың күштері қала орталығындағы полиция қолбасшылығы ғимаратын қауіпсіздік элементтерін шығарғаннан кейін басып алғанын мәлімдеді.

Сондай-ақ лаңкестік топтар Харак қаласы мен Дараа қаласының шығысындағы 52-ші бригаданы бақылауға алды.

Ресей Сирияда 200 лаңкестің өлтірілгенін хабарлады

Ресей үйлестіру орталығы жұма күні кешке  Сирия армиясының Ресей әуе күштерінің көмегімен 24 сағатта 200 лаңкесті өлтіргенін хабарлады.

Бұл хабарға сәйкес, бұл лаңкестер Хама, Идлиб және Алеппо провинцияларының шетінде өлтірілген.

Арақчи: Сириядағы соңғы оқиғалар тек осы елмен шектелмейді

Иран Сыртқы істер министрі жұма күні Ирактың «Әш-Шарқия» арнасына берген сұхбатында Сириядағы соңғы өзгерістердің тек осы елмен шектелмейтінін айтып: «Сириядағы лаңкестік пен өзгерістер Ирактың қауіпсіздігіне де қатер төндіреді»,- деді.

Сириялық саяси белсенді: Башар Асад Дамаскіде

IRNA ақпарат агенттігінің хабарлауы бойынша, сириялық саяси және қоғамдық белсенді Омар Рахмон Асадтың Сириядан кетуі туралы хабарлар мен қауесеттерді жоққа шығарып, X әлеуметтік желісінде: «Президент Башар Асад Дамаскіде және елді нақты жеңіске жетелеуде»,-деп жазды.

Өткен жұмада Сирияның Ақпарат министрлігі де Дамасктегі төңкерістің тоқтатылуы туралы жалған хабардың таратылуына назар аударып, дұшпандардың халықтың санасы мен психикасын шатастыру үшін психологиялық соғысының күшетуін ескертті және оған қарсы қырағы болу қажет екенін баса айтты.

Tasnim ақпарат агенттігінің хабарлауынша, Сирияның Ақпарат министрлігі мәлімдеме жасап, кейбір дұшпандық ақпарат құралдары хаос жасау үшін фотошопты пайдаланып жалған жаңалықтар жариялап жатыр.

Сирия армиясы мен демократиялық күштердің кейбір осьтерде қозғалу келісімі

Al-Mayadeen желісі жұма күні өз дереккөздеріне сілтеме жасап, Сирия демократиялық күштері (SDF) Сирия армиясымен келісім негізінде Дейр-эззор провинциясының (Шығыс Сирия) кейбір аудандарында орналасқанын хабарлады.

Al-Mayadeen желісінің хабарлауынша, Сирия демократиялық күштері (SDF) осы келісім негізінде Ирак шекарасындағы әл-Букамалға қарай Дейр-эз-Зор жолында орналасады.

Al-Mayadeen желісінің дереккөздері Сирия демократиялық күштерінің (SDF) Дейр-эз-Зор, әл-Маядин және әл-Букамал қалаларына кірмегенін және бұл қалаларда мемлекеттік мекемелер мен полиция бөлімшелерінің орналасқанын хабарлады.

Біріккен Ұлттар Ұйымы: 370 000 сириялық қоныс аударды

Mehr ақпарат агенттігінің сенбі күнгі хабарлауы бойынша, Біріккен Ұлттар Ұйымының гуманитарлық істерді үйлестіру басқармасы Сириядағы лаңкестік топтардың белсенділенуі мен қақтығыстардың өршуіне байланысты Сирияда кемінде 370 мың адамның босқынға айналғанын хабарлады.

Сионистік шенеунік: Сириядағы қақтығыстардың жалғасуы біздің мүддемізге сай

Өзінің аты-жөнін ашпаған сионистік қайраткер «The Times of Israel» газетіне берген сұхбатында сионистік режимнің мүдделері Сириядағы қазіргі қақтығыстардың шиеленісуі мен жалғасуында екенін мойындады.

Тель-Авив Сириядағы оқиғалардан кейін дайындықта; Мыңдаған сионистік сарбаз басып алынған Голанға жіберілді

Сонымен бірге сионистік режимнің 14-арна телеарнасы саяси дереккөздерге сілтеме жасап, бұл режим Сириядағы оқиғаларға байланысты ең жоғары дайындық деңгейінде екенін хабарлады.

Осы есептің жалғасында сионистік режимнің соғыс кабинеті Сириядағы оқиғаларға байланысты үш күнде үш рет әдеттен тыс отырыс өткізгені атап өтілді.

Сондай-ақ сионистік ақпарат сайтының хабарлауынша, мыңдаған сионистік сарбаздар сегізінші бұйрыққа (төтенше жағдайлар) сәйкес басып алынған Сирияның Голан жоталарына дереу жөнелтілді.