Саясаттан спорт пен мәдениетке дейін; Израиль халықаралық оқшаулану құрсауында
ParsToday – Газа соғысы және сионистік режимнің басқа қылмыстары бұл режимді бірқатар саяси, экономикалық және мәдени қысымдармен бетпе бет койды; бұл режимді жаһандық аренада жеккөрінішті және қабылданбаған мемлекетке айналдырған қысымдар.
CNN телеарнасы «Дипломатиядан футболға дейін Израиль әлем бойынша қуғынға ұшырады» атты хабарында бұл режимнің саяси, экономикалық, мәдени және спорттық ареналардағы оқшаулануының күшеюін қарастырып, Газада жалғасып жатқан соғыс пен гуманитарлық дағдарыс сионистік режимнің жеккөрінішті режимге айналу қарқынын арттырды. ParsToday агенттігінің Иран студенттері ақпарат агенттігіне (ISNA) сілтеме жасап хабарлауынша, сионистік режимнің оқшаулануы Газа қаласында құрлық операциясы жарияланғаннан кейін және Катар жерінде ХАМАС басшылығына бұрын-соңды болмаған шабуылдан кейін күшейе түсті.
CNN-нің хабарлауынша, БҰҰ-ның тәуелсіз тобының баяндамасы жарияланғаннан кейін де жаһандық айыптаулар күшейіп, бұл ұйым сионистік режимнің геноцид жасағанын алғаш рет мойындады.
Экономикалық және сауда қысымдары
CNN Израильдің ең ірі сауда серіктесі Еуропалық Одақ еркін сауда келісімінің бір бөлігін тоқтата тұруды қамтитын санкциялар ұсынғанын хабарлады. Бірнеше батыс елдері Батыс жағалаудағы зорлық-зомбылықты қолдайтын жеке тұлғаларға, қоныстанушыларға және ұйымдарға қарсы мақсатты санкциялар салған.
Әлемнің ең үлкен қоры Норвегияның ұлттық әл-ауқат қоры Газадағы гуманитарлық дағдарысқа байланысты тамыз айында басып алынған жерлерге инвестициясының бір бөлігін тоқтатты. Сонымен қатар, Франция, Италия, Нидерланды, Испания және Ұлыбритания сияқты елдер Израиль режиміне толық немесе ішінара қару эмбаргосын енгізді.
Бұл есепте тіпті Израиль премьер-министрі Биньямин Нетаньяху «оқшауланудың» бір түрін мойындауға мәжбүр болғаны және бұл жағдайдың жылдар бойы жалғасуы мүмкін екені айтылды. Кейінірек ол өз сөздерін азайтуға тырысқанымен, CNN бұл сөздердің экономикалық және әскери салдарға қатысты шынайы алаңдаушылықты көрсететінін жазады.
Мәдени және өнер бойкоттары
CNN бұл үрдіс мәдениет пен өнер саласына да тарағанын жазды. Ирландия, Испания және Нидерландының телеарналары сионистік режим қатысатын болса, 2026 жылғы «Евровидение» байқауына бойкот жариялайтындарын мәлімдеді. Бельгияда музыка фестивалінің шенеуніктері сионистік оркестр дирижері концертін тоқтатып, мұны «Тель-Авивтегі қылмыстық режиммен» байланысты деп түсіндірді. Кино саласында мыңдаған Голливуд актерлері мен режиссерлері, соның ішінде Оливия Колман, Эмма Стоун және Эндрю Гарфилд Израиль кино институттарымен ынтымақтаспауға уәде берді.
Спорттық қысымдар
Бұл үрдіс спорт саласында да байқалады. Палестина жақтастарының жаппай наразылығына байланысты веложарыстың соңғы кезеңі өткізілмеді, израильдік ойыншыларға Израиль туымен Испанияда өтетін шахмат турниріне қатысуға тыйым салынды. Сондай-ақ Израиль спорт шенеуніктерінің еуропалық футбол жарыстарынан шеттету мүмкіндігіне алаңдайтыны туралы ақпарат бар. Баяндама Израильдегі қазіргі жағдайды Оңтүстік Африкадағы апартеид дәуірімен салыстырады.
Ішкі наразылықтар және халықаралық ағымдар
CNN сондай-ақ басып алынған аумақтарда соғысқа қарсы және атысты тоқтатуды қолдаған ішкі наразылықтардың жалғасып жатқанын хабарлады. Жаһандық деңгейде BDS аббревиатурасымен белгілі Израильге қарсы бойкот, иеліктен шығару және санкциялар қозғалысы көбірек назар мен қолдауға ие болды және апартеид дәуіріндегі қысымға ұқсас қысым көрсетуге тырысуда. Хабарда БҰҰ-ның Газадағы геноцидке қатысты тергеуінің Халықаралық қылмыстық соттың тергеулеріне көбірек назар аударғаны атап көрсетілді.
