Қазақстанда Иранның солтүстік облыстарының Сауда үйі ашылады
Иранның Горган қаласындағы Қазақстанның консулдық қызметі жақын келешекте Қазақстанда Иранның солтүстік облыстарының Сауда үйі ашылатынын хабарлады.
Жексенбі күні Қазақстанның экономикалық тобын бастап, Мазандаранға сапар шеккен Оңталап Оңалбаев: «Сауда үйінің ашылуы екі жақтың әсіресе облыстар арасындағы сауда қарым-қатынастарының кеңеюіне септігін тигізеді»,- деді.
Ол Қазақстанның Иранмен жан-жақты қарым-қатынастарын кеңейтуге дайын екенін мәлімдеп: «Қазіргі кезде Иранмен жақын қарым-қатынас орнатылған. Екі жақты қарым-қатынастар күннен күнге кеңейе түседі деп үміттенеміз. Екі елдің экономикалық қарым-қатынастары жақсы деңгейде әрі ешбір шектеусіз жалғаса алады»,- деді.
Оңалбаев Маңғыстауда порттың салынуына тоқталып, жүк тасымалдайтын желінің Қазақстанның бидайын Иранға экспорттауды жеңілдететінін айтты. Ол Иранды Қазақстан бидайының ең үлкен сатып алушыларының бірі деп атап, Маңғыстау портының Иранға мұнай мен басқа да өнімдерді тасымалдауға көмектесетінін қуаттады.
