Сауд Арабиясындағы мыңдаған үндістандық жұмысшының жағдайы ауыр

Үндістанның Сыртқы істер министрі Сушма Сварадж Сауд Арабиясында мыңдаған үндістандық жұмысшының өте ауыр жағдайда өмір сүріп, аштықтан азап шегіп жатқанын айтып:

«Сауд Арабиясы мен Кувейттегі үндістандық жұмысшылардың көбі өз жұмыстарынан айырылған. Жұмыс берушілері оларға жалақы бермей, өз зауыттарын жапқан»,-деді.

Ол бүгінде Сауд Арабиясындағы мыңдаған үндістандық жұмысшының азық-түлік дағдарысына ұшырап отырғанын ескертті.

Келіп түсіп жатқан мәліметтер бойынша, Сауд Арабиясы мен Кувейттегі жүздеген үндістандық жұмысшы мұнай бағасы төмендеп, зауыттар жабылғаннан кейін жалақы алмаған.