Иран мен Ресейдің ұлттық кітапханалары арасында ынтымақтастық меморандумына қол қойылды
Иранның Ұлттық кітапханасы мен құжаттар ұйымы мен Ресейдің Ұлттық кітапханасы өзара ынтымақтастық меморандумына қол қойды.
Бұл меморандумға бейсенбі күні Мəскеуде Иранның Ұлттық кітапханасы мен құжаттар ұйымының басшысы сейіт Реза Салехи Амири мен Ресей Ұлттық кітапханасының басшысы Гнездилов тарапынан қол қойылды.
Иранның Ұлттық кітапханасы мен құжаттар ұйымының басшысы Салехи Амири Ресеймен ынтымақтастық туралы меморандумға қол қою рəсімінде кітапхананың негізгі бөлімдеріне, кітап сақтау қызметтеріне, Иран мен ислам жөнінде зерттеулер жүргізуге, кітап, құжат пен зерттеу орталығы саласында информациялық технологияларға көңіл аудару қажеттігін айтты.
Ресей Ұлттық кітапханасының басшысы Гнездилов та халықтардың жазба мұрасы мен құжаттарын сақтаудың маңыздылығын қуаттап, ортақтықтарды табуды маңызды деп атап, Иран мен Ресейдің өздері мен аймақтың тарихы туралы бай да қымбат құжаттар топтамасын сақтап отырғанын айтты.
