Қазақстан лаңкестік қоқан-лоққылар индексі бойынша 94- ші орында

Қазақстан Экономика және бейбітшілік халықаралық институты жариялаған лаңкестік қоқан-лоққылар индексі бойынша 94-ші орында тұр.

Халықаралық Экономика және бейбітшілік институты 2016 жылғы әлемдік лаңкестік көрсеткішін жариялады. Әлемнің 130 елінің арасында Қазақстан 94-ші орында тұр. Осы орталықтың мәліметінде лаңкестіктің салдарынан қатты зардап шегіп отырған елдердің қатарында Ирак, Ауғанстан, Нигерия, Пәкістан, Йемен, Сомали, Сирия, Үндістан және Мысыр атап көрсетілген. Аталмыш көрсеткіш әлемнің түрлі елдеріндегі лаңкестік амалдардан туындаған лаңкестік әрекеттер деңгейі, құрбан болғандар мен жараланғандардың саны мен шығындар жөніндегі жан-жақты зерттеулерге негізделіп жасалған.