Мәскеу Сирияның Хан-Шейхун қаласына жасалған химиялық шабуылды қастандық деп атады
Ресейдің Сыртқы істер министрі Сирияның Хан-Шейхун қаласына жасалған химиялық шабуылды қастандық деп атады.
IRNA ақпарат агенттігінің хабарлауы бойынша, Ресейдің Сыртқы істер министрі Сергей Лавров сәрсенбі күні кешке Францияның Сыртқы істер министрі Жан-Марк Эромен телефон арқылы сұхбаттасып, Хан-Шейхун қаласына жасалған химиялық шабуылды атысты тоқтату бітімі мен Сирия дағдарысын саяси жолмен шешу үдерісін бұзуға бағытталған ашық қастандық деп атады.
Ресейдің Сыртқы істер министрі, сондай-ақ, Мәскеудің халықаралық заңдарды құрметтеп, басқа елдердің ішкі істеріне араласпауға негізделген позиция ұстанатынын айтып: «Ресей Хан-Шейхун оқиғасына қатысты тәуелсіз, шынайы әрі бейтарап зерттеудің жүргізілуі қажеттігін қуаттайды»,-деді.
Сергей Лавров Хан-Шейхун оқиғасынан кейін АҚШ-тың бірден Сириядағы әш-Шаират әуе базасына жасаған зымырандық шабуылына қатты алаңдаушылық білдірді, өйткені БҰҰ-на мүше бір елге зымырандық шабуыл жасалды.
