ОББ-ның директоры Ресейдің АҚШ-тың 2016 жылғы сайлауына араласқанын растады

АҚШ-тың Орталық Барлау Басқармасының директоры Ресейдің АҚШ-тың 2016 жылғы президенттік сайлауына араласқанын қуаттады.

ОББ-ның директоры Майк Помпео АҚШ-тың Барлау және ұлттық қауіпсіздік одағының қонақасында ресейліктердің АҚШ-тың 2016 жылғы сайлауына араласуының алғаш рет болмағанын, 2012 жылғы сайлауда да араласқанын айтты. АҚШ президентінің үлкен ұлы Дональд Трамп Джуниордың бір ресейлік қорғаушымен кездесу әрекетінің әшкере болуы, Трамп пен оның жақындарының және сайлауалды кампания мүшелерінің ресейліктермен байланысы АҚШ-тың саяси орталарының бар назарын өзіне аударды.