БҰҰ Бас ассамблеясының ядролық қару туралы отырысында Иранның көзқарасы баяндалды
ИИР жаппай қырып-жоятын қаруларға қарсы және бұл қарулар ешбір мемлекетке қауіпсіздік әкелмейді деп санайды. Иран халықаралық ұйымдарда сан рет ядролық қарудың таралуына тыйым салатын келісімнің іске асырылуының кейінге қалуын сынады. Осы көзқарас БҰҰ Бас ассамблеясының жоғары отырысында тағы баяндалды.
ИИР Сыртқы істер министрінің құқықтық және халықаралық істер жөніндегі орынбасары ядролық қаруға ие үкіметтердің қаруды толық жою уәделеріне табанды болмауын сынап, АҚШ-тың ядролық қару бәсекелестігінің жаңа кезеңін бастағанын айтты.
Иран Телерадио бірлестігінің ақпарат агенттігінің мәліметі бойынша, Сейед Аббас Арақчи ядролық қаруды толық жою халықаралық күніне қатысты өткен БҰҰ Бас ассамблеясының отырысында: «АҚШ-тың ядролық арсеналының басқалардан күшті екендігіне кепілдік беру мақсатындағы соңғы әрекеттері – ядролық қару бәсекелестігінің жаңа кезеңін бастауға әшкере түрде шақыру. БҰҰ-да биыл ядролық қаруларға тыйым салу келісімнің бекітілуі әлем елдерінің енді бұл үдеріске төзбейтіндіктерін көрсетті»,- деді. Стокгольм бейбітшілік ұйымының жыл сайынғы есебі бойынша АҚШ ядролық қарудың жаңа бес түрін шығармақ. 2016 жылдың басында 7000 ядролық оқтұмсыққа ие болды.
Солтүстік Каролина Университетінің ядролық қару маманы Марк Губерт бұл туралы: «Бұл үдерісте АҚШ бәсекелестері ядролық қаруларын жаңалау үшін алдағы 30 жыла АҚШ-қа шамамен бір триллион доллар қаржы төлемек. Бұл үдерістің жалғасы әлемді жою үшін жарыс болады. Стокгольм бейбітшілік ұйымының жылдық есебі бойынша сионистік режим де 300 ядролық оқтұмсыққа ие» деді.
Францияның The Guardian газеті бұл туралы: «Израиль қару шығаруға жеткілікті жарты тонна плутоний мен мөлшері белгісіз байытылған уранға ие»,- деп жазды.
Димона ядролық нысанында оның жұмысшылары «кішкентай Хиросима» деп атаған атом лабораториялары бар. Ядролық қаруды пайдалануға тыйым салу туралы Иранның ұстанымы Ислам революциясының жетекшісі аятолла Хаменеидің пәтуасында анық баяндалды. Аятолла Хаменеи 20123 жылы Теһранда өткен Қосылмау қозғалысының 16-шы саммитінде сөйлеген сөзінде: «Ислам республикасы қисын мен дін тұрғысынан ядролық қаруға ие болуды үлкен күнә және мұндай қаруларды таратуды пайдасыз әрі қатерлі санайды. Иран «ядролық қарудан ада Таяу Шығыс құру» жобасын ұсынды әрі өз жобасына сенімді»,- деді.
Қазіргі таңда да Иран ядролық қаруға ие елдер мен режимдердің қаруларды толық жою және NPT хаттамасын іске асыру міндеттемелеріне табанды болуы қажет екенін қуаттайды.
