Хошру БҰҰ-ның Бас хатшысына хат жазды
ИИР-ның БҰҰ-дағы тұрақты өкілі сəрсенбі күні БҰҰ-ның Бас хатшысы мен Қауіпсіздік кеңесінің басшысына хат жолдап, АҚШ-тың Иранның ішкі ісіне араласуы мен бүлікшілердің бүлдіргі əрекеттерін қолдауына наразылық білдірді.
IRNA ақпарат агенттігінің хабарлауы бойынша, Ғоламали Хошру осы хатта АҚШ Президенті Дональд Трамп пен оның орынбасары Майк Пенстің Twitter əлеуметтік желісінде бірнеше рет ирандықтарды бүлдіргі əрекеттерге арандатқанын айтып: "АҚШ басшыларының әшкере түрде ішкі іске араласуы халықаралық құқықтар мен БҰҰ жарғысының принциптері мен мақсаттарына қайшы",-деді. Иранның БҰҰ-дағы тұрақты өкілі АҚШ-тың үнемі Иранның саяси-əлеуметтік жəне мəдени өмірінің қалыпты үдерісін бұзуды көздеп келе жатқанын айтып:"АҚШ-тың Иранға заңсыз санкциялар салу арқылы "Ортақ қадам" жан-жақты бағдарламасында белгіленген өз міндеттемелерін орындамауы жəне Иран азаматтарына АҚШ-қа кіруге кедергі жасауы бұл елдің Иран халқына қарсы жасаған жауластық əрекеттерінің бір бөлігі ғана",-деді.
