Зариф: «Ортақ қадам» жан-жақты бағдарламасын әлсірететін ешбір әрекет қабылданбайды
ИИР Сыртқы істер министрі «Ортақ қадам» жан- жақты бағдарламасын әлсірететін ешбір әрекеттің қабылданбайтынын айтты.
Мұхаммад Джавад Зариф бейсенбі күні Еуроодақ басшылары, Франция, Германия және Ұлыбритания Сыртқы істер министрлерімен Брюссельде отырыс өткізгеннен кейін Twitter-дегі парақшасында: «Бүгін Брюссельде отырысқа қатысушылардың барлығы бірауыздан мына мәселелерді қуаттады: Иран «Ортақ қадам» жан-жақты бағдарламасына берік; Иран халқының бұл бағдарламаның артықшылықтарын пайдалануға толық құқығы бар; «Ортақ қадам» жан-жақты бағдарламасын әлсірететін ешбір әрекет қабылданбайды»,-деп жазды. Могерини мен Франция, Германия және Ұлыбритания Сыртқы істер министрлері осы отырыста Еуропа мен өз үкіметтерінің көпжақты дипломатияның теңдессіз жетістігі саналатын «Ортақ қадам» жан-жақты бағдарламасындағы міндеттемелеріне беріктігін қуаттады. АҚШ Президенті Дональд Трамп басқа тараптардың ұстанымына керісінше әрдайым бұл бағдарламаны «қорқынышты келісім» деп атап, оның бұзылуын қалайтынын мәлімдеп келеді.
