Әзірбайжан Республикасының қауіпсіздігі – Иранның қауіпсіздігі
Иран Ислам Республикасының Қорғаныс министрі ИИР-ның Әзірбайжан Республикасының тұрақтылығы мен қауіпсіздігін өз қауіпсіздігі санайтынын қуаттады.
Генерал Хатами Әзірбайжан Республикасының Қорғаныс министрі Закир Хасановпен Бакуде кездесуінде ИИР-ның Әзірбайжанның қорғаныстық қуатының артуы мен қорғаныстық өнеркәсібінің дамуына үнемі ризалық танытып келе жатқанын баяндап: "Иранның Қорғаныс министрлігі Иран мен Әзірбайжан Республикасы арасында әскери-қорғаныстық ынтымақтастықтар жөнінде бірлескен комиссия құру арқылы екіжақты ынтымақтастықты кеңейту үшін қажет негіздер жасауға талпыныс жасауда",- деді.
Әзірбайжанның Қорғаныс министрі де екі елдің түрлі қорғаныстық деңгейдегі, әсіресе теңіз күштері мен әскери саладағы басшыларының жауапты сапарларына тоқталып, техникалық және өнеркәсіптік салаларда көбірек сұхбаттасу жүргізуге қатты қызығушылық танытып отырғанын мәлімдеді.
Закир Хасанов ИИР Қарулы күштерін мықты деп бағалап, Иранның қорғаныстық саладағы тәжірибелерін пайдалануды қалайтындықтарын айтты.